KUHUSU SISI. HISTORIA YA VIWAWA PAROKIA CHATI YA SHIRIKA USHUHUDA UANACHAMA WASILIANA NASI
Swahili | English

Maono Yetu, Dhamira, na Maadili ya Msingi

Maono Yetu

Kumwona Kijana Mkatoliki Mfanyakazi anayejimudu katika maisha yake
ya kimwili na kiroho kwa kutumia njia ya Tafakari ya Maisha.

Dhamira

Dhamira ni kwa:

Kuwawezesha Vijana kutambua wajibu wao katika kujielimisha na kujitegemea katika maisha yao.
Kustawisha na kusaidia Kanisa kwa kushiriki katika kazi za Kanisa, kuhusu maendeleo ya Kiroho, Kimwili, Kiakili na Kijamii.
Kutangaza habari za Kanisa na kujaribu kwa kila hali kuleta uhusiano mwema baina ya vyama vya kitume,madhehebu mbalimbali na dini nyingine.
Kuchukua hatua za kufaa kuendeleza mambo yote yanayoonekana kwamba ni ya manufaa kwa Kanisa na Ustawi wa jamii.
Kuwajenga vijana katika mazingira ya kuwa na mwenendo mwema kwa kanuni ya Tafakari ya Maisha inayoongozwa na mtindo wa Kuona-Kuamua na Kutenda. Na mitindo mingine ya malezi inayofaa.
Kuwakumbusha vijana wote kwamba sote tunategemeana kwa kushauriana, kuongozana na kufundishana kimwili na kiroho.

Maadili ya Msingi

Maadili yetu ya Msingi yanatuongoza:

Kumwezesha kijana kuwa Mkristo wa kweli ambaye ana ujasiri wa kurekibisha.
Kuendeleza na kudumisha taratibu za utamaduni, uchumi, siasa na utaalamu kufuatana na mpango wa Mungu.

Historia ya VIWAWA - Parokia ya Wazo

VIWAWA ni chama cha kitume cha Vijana Wakatoliki Wafanyakazi ambao wanatumwa na Kanisa ili kueneza habari njema ya kwamba Yesu Kristu ndiye njia ya kweli na uzima kwa vijana wote katika maisha yao ya kila siku. Chama hichi kinawaunganisha vijana na kuwasaidia waone hali yao, kuamua juu yake katika mwanga wa injili na kuwaongoza kufanya matendo ya kubadilisha hali zao na kutengeneza ziwe nzuri zaidi kwa njia ya Tafakari ya Maisha. Parokia ya Wazo ilipandishwa hadhi kuwa Parokia kamili mwaka 2014, kutoka kuwa Kigango kilichokuwa chini ya Parokia ya Tegeta na baadae Parokia ya Mivumoni, VIWAWA wameendelea kuwa chachu ya maendeleo ya Parokia na Kanisa kwa ujumla. Chama hichi huongozwa na vijana wenyewe katika ngazi zote. Hapa chini ni kumbukumbu ya viongozi (Wenyeviti) ngazi ya Parokia wa awamu mbalimbali tokea kuwa Parokia:-